Då er datoane for festivalen neste år klare: Me inviterer til Tomatfestivalen sitt tiårsjubileum helga 10. - 12. august 2012. Programmet er av naturlege grunnar på ingen måte fastsett ennå, men me kan nok garantera at det vil bli eit visst jubileums-preg på festivalen dette året. Ti festivalar MÅ markerast. På eitt eller anna vis. Og me vil ha deg med på laget.

Dersom du har innspel og meiningar om korleis me bør markera tiårsjubileum, blir me glade om du tek kontakt med oss. Det lettaste er å senda ein mail til festivalkoordinator Tor Øyvind på tor@ryfylkelivsgnist.no. Men allereie nok kan du altså setja av datoane: 10. - 12. august 2012 må det ikkje planleggast Syden-tur eller anna toskeskap. Då er det Tomatfestivalen som gjeld.

Hallvard Hanevold kjem neppe på Tomatfestivalen neste år, men nokon kjem heilt sikkert til å koma. Kven? Me tek sjølvsagt i mot forslag! (Foto: Kjell Augestad)