Så blei det stappfullt i matteltet også i år. Fredagskvelds med Coop er blitt ein innartiar under Tomatfestivalen. 550 personar stua seg i hop både inni og utanfor teltet. NM-meister i pizza, Arve Serigstad, sjarmerte folk med kjevlebalansering på nasen.

Deretter stod folk smilande i lange køar for å nyta asiatisk, polsk og norsk kvelds, servert av Coop Finnøy. Alle blei godt forsynte, og det var nokre små former att med mat. Gjengen på Coop leverte i år også! 


Og for mange var prikken over i-en då Edvin Hesby mottok Finnøy kommune sin kulturpris, for utretteleg arbeid innan husflids- og seniorarbeid i Finnøy. Det var ekstra stas at både kone, barn, barnebarn og oldebarn var til stades då Edvin fekk prisen.


Alle foto: Kjell Augestad