Tomatfestivalen er for alvor i gang, og både kunstavduking og kaiopning blei unnagjort fredag. Både finnøyfolk, byfolk og fintfolk var til stades då Alessandro Stenico sitt dronningkunstverk blei avduka på Judaberg fredag formiddag.

Stenico er frå Italia, og har tidlegare hogd ut kunstverk i stein i Finnøy. Så også denne gongen, i det som er Rogaland Fylkeskommune si gåve til dronning Sonja i høve 70-årsdagen i 2007. Og nå ruvar kunstverket over den nye ferjekaien på Finnøy.

Ja ferjekai: Fylkesvaraordførar Ellen Solheim opna formelt sett den nye kaien like etter kunstavdukinga. Sjølv om ferjeterminalen på Judaberg har vore i drift ein månad, var det litt ekstra stas at den offisielle opninga var lagt til Tomatfestivalen.


Både kai og kunstverk kan nytast heile tomatfestivalhelga.