Det er torsdag ettermiddag, og det riggas over heile Judaberg-området. Telt blir sette opp, stolar og bord blir køyrde fram og tilbake av ivrige dugnadsfolk, og festivalkomiteen prøvar å halda orden på alt.

Thorstein Pedersen må gjerne klø seg i hovudet, men faktum er at dei største telta nå er på plass. Nortura-teltet kom opp i ettermiddag, og Helse-teltet og Matteltet vart sette opp onsdag kveld. Så det er all grunn til optimisme her, Thorstein.

John Magnar Nåden har blitt ein racer på å slå opp partytelt etter at han blei med i Tomatfestivalkomiteen. Han meiner at alle Finnøybuar burde teke seg ein tørn, om ikkje anna for å lære å slå opp telt. Her er han i gang med å setja opp vegger i Nortura-teltet.


Matteltet er ferdig rigga. Det ser kanskje litt tomt og trist ut no, men frå fredag kveld til seint laurdag natt er det bånn gass her med kveldsmat, festivaldag og tomatdans. Det som er tome bord nå, blir fylt opp av gongkaker, grilla laks, alskens kveldsmat-rettar, heimesylta saker og ting frå Halsnøy og Rennesøy - og årets nyvinning i mattelttet - tomatvafler.