- Det kom 400 personar i fjor. Så då har me mat til 500 i år. Me vil jo ikkje gå lens heller, seier Idar Rosland. Idar er dagleg leiar på Coop Finnøy, butikken med det store hjartet på Judaberg.

På fredag inviterer Idar og hans kollegaer til kveldsmat i festivalteltet på Judaberg. Det er andre året Coop gjer dette, og i fjor dukka det opp 400 store og små. Kjem det 500 i år, er det mat til alle.

Kveldsmaten er ein lang buffet med mange ulike rettar. Og det kostar 30 kroner per person! I tillegg til kveldsmaten, blir det utdeling av kulturprisen for Finnøy, du kan bli med om bord i utvandrarskuta Restauration og møta NM-vinnaren i pizzabaking.
Kveldsmaten startar kl 18.

Idar Rosland både smilte og sprang som ein galen under fjorårets kveldsmat. Nå er han og Coop Finnøy klare igjen. Foto: Kjell Augestad

 

 

Folk kosa seg med kveldsmat både utanfor og inni teltet i fjor. Blir det ver til å vera ute også i år?
Foto: Kjell Augestad