Ho hinkar rundt på krykker, men misser ikkje motet for det. Kristin Størmer Steira er klar for tomatar og utfordringar under årets Tomatfestival.

- Det er dei beste tomatane eg veitt, smiler Kristin (biletet) når finnøygartnar Jan Terje Vignes byr på Juanita-tomatar frå øyriket.

I helga møttest dei to 29-åringane under Blinkfestivalen i Sandnes. Ho på krykker, han med tomatar. Begge var ivrige tilskodarar då Kristin sine lagveninner gjekk i full fart rundt på rulleski.

- Eg gler meg til Tomatfestivalen. Det blir kjekt å vera med på noko som ikkje berre har med idrett å gjera. Og sjølv om eg er skada i den eine akillesen, så skal eg vera med på mykje kjekt under festivalen, fortel Kristin.
Jan Terje Vignes ser også fram til festivalen, sjølv om han veit det blir travelt. Ein stor, flott gartnarstand skal på plass, han skal ta imot både Kristin og Odd-Bjørn Hjelmeset på lunsj i gartneriet sitt, i tillegg til å få med seg både fagseminar, Griegløp og meir til.

Meir om Kristin og Jan Terje sitt tomatmøte, kan du lesa i Øyposten si festivalavis, som kjem ut 4. august. Ja er Kristin Størmer Steira den beste kokken på skilandslaget? Og kva veit eigentleg Jan Terje Vignes om langrenn?

Tonen fann dei to i alle fall - og slik gjekk det då Jan Terje lokka Kristin med klasen full av små Juanita-tomatar: